1 Peso 1861-2011 Jose Rizal 150 Years Commemorative Philippine Coin

Meron po akong nakuha na isang kakaibang barya noong ako po ay bumili ng gulay sa isang tindahan malapit po sa amin. Isa po itong 1 Peso 1861-2011 Jose Rizal 150 Years Commemorative Philippine Coin. Labis po akong natuwa ng ito ay ibinarya sa aking ng tindera.

Ako po ay isang suki sa tindahan ng mga gulay malapit lamang sa amin. Buo po ang aking ibinayad kaya kailangan pong suklian ng tindera ang aking pera. Maraming piraso po ng mga pisong barya ang kanyang isinukli at labis din po akong natuwa dahil baka may “error coin” po dito.

Nang akin pong natanggap ang aking sukli, hindi ko po talaga binibilang ang mga ito kahit mukhang binibilang ko po ito. Sa katunayan ay sinsuri ko po ang bawat isa kung may kakaiba sa mga ito at hindi ko po binibilang kung tama ba ang aking sukli o hindi.

At sa panahon na iyon, laking gulat ng aking nakita ang nahalong isang commemorative coin sa aking natanggap na sukli. Nagmadali na rin akong umalis sa tindahan baka mapansin ng tindera ito ay kanyang palitan ng karaniwang uri na bersyon nito.

Ayon po ang buong kwento kung paano ko po nakuha ang aking 1 Piso 150 Years na commemorative coin na ito. Atin po itong kilalanin sa pamamagitan ng pagkilala sa mga nakaukit nitong mga detalye sa harap at likod nito.

Obverse o Harapan na Bahagi ng 150 Years Jose Rizal Commemorative Coin

Dito po sa kanyang gitnang bahagi ay may nakaukit po na isang malaking mukha ng tao. Siya po ay nakaharap sa atin kung saan po ay parang nakatingin ng direkta sa atin. Wala pong nakaukit dito na pangalan na di po tulad ng mga karaniwang barya. Ngunit pagdating pa lamang po sa kanyang itsura, agad po nating masasabing siya po ay walang iba kundi ang bayaning si Jose Rizal.

Sa kanang gilid po nito ay nakaukit naman po ang 150 YEARS. At sa gilid naman po nito ay nakaukit ang mga detalyeng REPUBLIKA NG PILIPINAS at ang taong 1861 at 2011. Isinasaad po ng mga detalyeng ito na ang barya po na ito ay ginawa para gunitain ang ika-isang daan at limampung taong anibersaryo ng ating pambansang bayani na si Jose Rizal.

Ulitin lamang po natin ang mga nakaukit na detalye dito sa harapan na bahagi ng ating 150 years Jose Rizal commemorative coin:

• REPUBLIKA NG PILIPINAS
• 150 YEARS
• 1861 2011
• Nakaukit na mukha ng ating bayaning si Doktor Jose Rizal

Reverse o Likurang Bahagi ng 150 Years Jose Rizal Commemorative Coin

Dito naman po tayo sa likurang bahagi ng ating commemorative coin na ito. Mapapansin po natin na meron po itong napakagandang disenyo. Sa kanyang saktong gitna ay mapapansin po natin na may nakaukit na isang ulo ng agila at ito po ay nakaharap sa bandang kanan. Sa ibaba po nito ay mapapansin din po natin na may tatlong mga bituin.

Paikot sa nakaukit na ulo ng agila ay nakaukit naman po ang mga salitang BANGKO SENTRAL NG PILIPINAS. At sa gilid, itaas at kaliwang bahagi ay may nakaukit pong tatlong mga sinag. Ang tatlong mga sinag po na ito ay kumakatawan sa tatlong malalaking rehiyon ng ating bansa kung saan ay ang Luzon, Visayas, at Mindanao.

Sa ibabang bahagi naman po ng ating barya na ito ay nakaukit ang 1 PISO na siyang nagsasaad sa face-value po nito bilang barya sa ating sirkulasyon. Dito naman po sa kanyang kanang gilid ay nakaukit ang taong 2011.

Ulitin lamang po natin ang mga nakaukit na detalye dito sa likurang bahagi ng ating 150 years na Jose Rizal commemoratice coin:

• BANGKO SENTRAL NG PILIPINAS
• 1 PISO
• 2011
• Nakaukit na bagong logo ng BSP

Mga Karagdagang Detalye ng 150 Years Jose Rizal Commemorative Coin

Material Composition

Ang mga baryang 150 Years Jose Rizal na commemorative coin ay gawa po ito sa mga materyal na bagay na kung tawagin ay “copper-nickel plated steel”.

Weight o Timbang

Ang bigat o timbang po nito ay nasa 5.4 grams.

Diameter

Ang diametro po nito ay nasa 24 mm.

Kapal o Thickness

Ang kapal naman po nito ay nasa 1.9 mm.

Price Value of Halaga ng 150 Years Jose Rizal Commemorative Coin

Ang 1 Peso 1861-2022 Jose Rizal Commemorative Coin ay hindi po ito “common coins” o karaniwang barya. Ginawa lamang po ito ng BSP para ipagdiwang ang ika-150 na taon ng ating pambansang bayani na si Jose Rizal. Ibig pong sabihin ay hindi po gaanong marami ang ganitong uri ng barya. At dahil dito ay i-ilan lamang po ang may hawak ng mga ito.

Pero kahit bihira tayong maka-engkwentro ng ganitong commemorative coin, marami pa rin po ang gustong magbenta nito. Sa aking YouTube Channel, marami po ang nagtatanong kung magkano ang value o halaga nito ngayon?

Nais ko pong sabihin na ako po ay hindi isang eksperto sa pagsusuri ng mga lumang barya para tukuyin kung ano ang nararapat nitong value o halaga. Sapagkat marami pong mga batayan ang kailangang isaalang-alang bago po natin matukoy ang tamang presyo ng isang barya.

Ang akin pong ginagawa ay ang paraan ng pagtatanong sa mga community groups. Marami po tayong mga community groups kung saan ang layunin ng mga grupong ito ay ang mabenta o bumili ng mga barya. At sa akin pong pagtatanong sa presyuhan ng 1 Peso 1861-2011 Jose Rizal Commemorative Coin, eto po ang mga sumusunod na halagang akin pong nakalap:

UNC = 71.25 pesos

At ayan po ang presyo ng isang 1 Peso 150 Years Jose Rizal na commemorative coin. Ang presyo po na ito ay ang minimum price o ang starting price kung saan po magsisimula ang usapan ng buyer at seller. Kaya kung ikaw po ang seller ay maganda po ang kondisyon ng iyong hawak na barya, tiyak po na mas mataas po ang magiging presyo nito.

Nais ko lamang pong ipagbigay alam na ang presyo ng mga barya ay pabago bago po ang mga ito. Pwede po itong tumaas at pwede na rin po itong bumaba. Sa madaling salita ay pwedeng iba na po ang presyo ngayon ng 1 Peso 150 Years Jose Rizal commemorative coin sa aking isanaad na presyo dito.

Dahil sa bagay na ito, ako po ay gumawa ng aking YouTube Channel na akin pong pinamagatang “Pinoy Coin Hunter”. At dito po ako madalas magbigay ng price updates sa ating mga lumang barya.

1 Peso 1974 Philippine Coin Value

Meron po tayong mga larawan dito ng aking 1974 na 1 Piso Philippine old coin. Isa po itong lumang barya na mula pa sa aking lolo. Marami pong ganitong lumang barya ang aking lolo na kanyang tinatago at mabuti na lamang at nagawa kong makahingi ng isang piraso.

Atin pong kilalanin ang 1974 na 1 Piso Philippine old cold sa pamamagitan ng pagsusuri sa mga nakaukit na kanyang mga detalye.

Obverse o Harapang Bahagi ng 1974 na 1 Piso Coin

Eto po ang harapang bahagi ng 1974 na 1 Piso coin. Dito po sa kanyang gitnang bahagi ay atin pong nakikita ang isang nakaukit na kalasag. Isa po itong napaka karaniwang uri ng simbolo na atin din pong makikita sa iba’t ibang mga lumang barya.

Sa loob po ng kalasag ay may nakaukit na simbolo ng isang bilog na araw na may mga sinag. Sa itaas na bahagi po nito ay may tatlong mga bituin. At sa ibabang bahagi naman po nito ay may nakaukit na dalawang hayop. Ang nasa kaliwa ay isang agila at ang nasa kanan naman po ay isang leon.

Sa ibaba ng kalasag ay meron pong isang ribbon. At sa loob ng ribbon na ito ay nakaukit ang mga salitang REPUBLIKA NG PILIPINAS.

Dito naman po sa kanyang gilid na bahagi ng ating lumang barya na ito ay nakaukit ang mga detalyeng REPUBLIKA NG PILIPINAS, 1974, at BANGKO SENTRAL.

Muli lamang po nating alamin ang mga nakaukit na detalye dito sa harapan na bahagi ng ating 1974 na 1 piso coin:

• REPUBLIKA NG PILIPINAS
• BANGKO SENTRAL
• 1974
• Lumang logo ng BSP

Reverse o Likurang Bahagi ng 1974 na 1 Piso Coin

Eto naman po ang likurang bahagi ng 1974 na 1 Piso coin. Mukhang malinis po ito dahil sa kaunti lamang po ang ating nakikitang nakaukit na mga detalye dito.

Dito po sa kanyang gitnang bahagi ay atin pong nakikita ang isang nakaukit na mukha ng tao kung saan siya po ay nakaharap sa bandang kaliwa. Siya po ay ating makikilala dahil sa nakaukit naman po dito sa ibaba ang kanyang pangalan. Nakaukit po dito ang kanyang pangalang JOSE RIZAL.

Sa kanang gilid naman po nito ay nakaukit ang numerong 1 at sa itaas naman po nito ay nakaukit ang PISO. Ito po ang siyang sumasagisag sa face-value nito noong ito ay ginamit sa sirkulasyon.

Muli lamang po nating alamin ang mga nakaukit na detalye dito sa likurang bahagi ng ating 1974 na 1 piso coin:

• 1 PISO
• JOSE RIZAL
• Nakaukit na mukha ng tao na nakaharap sa bandang kaliwa

Mga Karagdagang Detalye ng 1974 na 1 Piso Coin

Material Composition

Ang mga 1974 na 1 Piso coin ay gawa po ang mga ito sa materyal o bagay na kung tawagin ay “nickel brass”.

Weight o Timbang

Ang bigat o timbang po nito ay nasa 14.28 grams.

Diameter

Ang diametro naman po nito ay nasa 33 mm.

Kapal o Thickness

Pagdating naman po sa kung gaanong kakapal ito, eto po ay nasa mga 2.17 mm.

Price Value o Halaga ng 1974 1 Piso Coin

Ang mga 1974 na 1 Piso coin ay nabibilang po ito sa kategoryang “common coins”. Kapag sinabi po nating common coins, ito po ay mga uri ng barya kung saan ay marami po itong bilang. At dahil sa marami po ito, marami din po ang may hawak nito.

Sadyang marami po talaga ang may hawak ng ganitong lumang barya. Meron pa akong nakita na mas maganda ang kanilang kondisyon kumpara sa aking lumang barya na ito. At dahil dito, marami ang nagbebenta nito at nais po nilang malaman kung magkano ang bentahan o presyuhan dito.

Ang tamang presyo po ng isang lumang barya ay nakabase po ito sa ilang mga batayan na tanging mga eksperto lamang sa mga lumang barya ang siyang nakakaalam. Kailangan po nilang suriing mabuti ang iyong lumang barya na maaaring aabot ng ilang oras bago po nilang masabi kung ano ang tamang value o halaga nito.

Ngunit ang aking gagawin po dito para magkaroon tayo ng estimasyon sa presyuhan ng isang 1974 na 1 Piso coin ay ang pagtatanong sa mga community groups. Eto po ang siyang aking ginawa at ang mga sumusunod na presyo ang aking mga nakalap:

UNC = ?

XF = 31.25 pesos

VF = 13.56 pesos

At ayan po mga ka-barya ang aking nakalap na presyo sa isang 1974 na 1 Piso Philippine old coin. Ang presyo pong ito ay ang minimum price o ang starting price sa ganitong lumang barya. Kaya kung ang hawak mo pong 1974 na 1 Piso coin ay meron po itong magandang kondisyon, asahan mo po ang mas mataas na presyo nito.

Ang aking isinaad na presyo po dito ay maaari po itong magbago dahil sa ito ay nakabatay po sa oras o petsa noong ako ay nagsagawa ng pagtatanong ukol dito. Kaya maaaring ang presyo po natin dito ay hindi na po ito tugma sa kasalukuyan po nitong presyo sa ngayon.

Dahil sa nagkakaroon po ng pagbabago sa presyo ng mga lumang barya, ako po ay gumawa ng aking sariling YouTube Channel na aking pong pinamagatang “Pinoy Coin Hunter”. Ang nilalaman po nito ay mga impormasyon o mga price update sa ating mga lumang barya.

Ang Aking Maitim na 1990 One Piso Coin

Sa akin pong paglilinis sa bakuran ng aking bahay, meron po aking natagpuan na isang lumang barya. Nababalutan po ito ng makapal na putik at wala po akong ideya kung anong lumang barya ito.

Nang akin po itong hinugasan at nilinis, dito po lumabas ang kanyang mga detalye na ito po ay isang 1990 na 1 Piso Philippine old coin.

Obverse o Harapang Bahagi ng 1990 One Piso Coin

Eto po ang harapan na bahagi ng 1990 one piso coin na akin pong natagpuan sa paglilinis ng aking bakuran. Maitim na po ito at marami na rin po itong mga gasgas. Base po sa aking sariling opinyon, sa tingin ko ay nasunog ito na siyang dahilan kung bakit ito ay umitim. Ayaw ko po munang linisin ito ng husto dahil baka mas lalo po itong masira at madagdagan ang mga gasgas nito.

Meron po akong isang post na tumatalakay na rin po tungkol sa isang pisong lumang barya na katulad nito. Ngunit ang kanilang pagkakaiba ay meron po itong taong na 1985. Sa madaling salita ay isa po itong 1985 na piso coin. Parehas lamang po sila ng pagkaka disenyo sa harap at likuran. Sadyang ang kanilang taon lamang ang siyang may pagkakaiba.

Maski marami pong mga gasgas at nangitim ang aking natagpuang isang pisong lumang barya na ito, malinaw at mababasa pa rin naman po natin ang mga nakaukit na detalye nito. Atin pong mapapasin sa saktong gitna ang nakaukit na mukha ng ating pambansang bayani na si Jose Rizal.

Sa gilid na bahagi po nito ay nakaukit ang  mga detalye na REPUBLIKA NG PILIPINAS at ang taon na 1990. Ang tanging nawala o hindi na po natin makikita sa naturang lumang barya na ito ay ang nakaukit na pangalan ng ating bayani. Ito po sana ay ating mababasa na nakaukit dito sa ibabang kanang bahagi nito.

Atin lamang pong bigyang buod ang mga nakaukit na detalye dito sa harapan na bahagi ng ating 1990 na piso coin:

• REPUBLIKA NG PILIPINAS
• 1990
• Nakaukit na mukha ni Doktor Jose Rizal na nakaharap sa bandang kanan

Reverse o Likurang Bahagi ng 1990 One Piso Coin

Eto naman po ang likurang bahagi ng lumang baryang aking natagpuan sa aking bakuran. Konti lamang po ang nangitim na bahagi nito na di tulad ng kanyang harapan na bahagi. Ngunit mas marami po itong mga gasgas at hindi na gaanong malinaw ang mga nakaukit na detalye nito.

Dito po sa kanyang gitnang bahagi ay mapapansin po natin ang isang nakaukit na hayop. Bilang isang Pilipino, kilala po natin ang ganitong uri ng hayop bilang isang kalabaw. Dahil po sa bagay na ito, ang lumang barya po na ito ay tinatawag ng karamihan na pisong kalabaw. Ngunit marami pong hindi nakaka alam na ang nakaukit na hayop sa lumang barya na ito ay hindi po talaga ito kalabaw kundi ito po ay isang tamaraw. Sa wikang Ingles, ito po ay tinatawag na Mindoro dwarf buffalo dahil ang mga hayop na ito ay atin pong matatagpuan sa isla ng Mindoro.

Ang mga detalye na nabura sa bahagi ng lumang barya na ito ay ang Face Value po nito na 1 PISO. Maliban po dito ay ang salitang ANOA MINDORENSIS kung saan ay ang scientific name ng hayop na tamaraw.

Atin lamang pong bigyan buod ang mga nakaukit na detalye dito sa likurang bahagi ng ating 1990 na 1 piso coin:

• 1 PISO
• ANOA MINDORENSIS
• Nakaukit na hayop na kung tawagin ay tamaraw o dwarf buffalo

Mga Karagdagang Detalye ng 1990 One Piso Coin

Material Composition

Ang ginamit pong materyales sa lumang barya na ito ay Copper-Nickel.

Weight o Timbang

Ang timbang o bigat naman po nito ay nasa 9.5 grams.

Diameter

Ang diameter po nito ay nasa 29 mm.

Kapal o Thickness

At ang kapal po nito ay nasa 1.63 mm.

Price Value o Halaga ng 1990 One Piso Coin

Sadyang marami po ang nagtatanong kung magkano ang value o halaga ng isang 1990 na one piso coin. Kaya sa tingin ko po ay marami po ang may hawak ng ganitong lumang barya.

Gusto ko pong sabihin na meron po tayong ilang mga batayan para bigyan ng tamang presyo ang isang lumang barya. At ang isa sa mga pamantayan na ito ay ang itsura o kondisyon nito.

Kaya pagdating po dito sa aking lumang barya na akin lamang pong napulot sa aking bakuran, sadyang mababa po ang halaga nito dahil sa hindi na po maganda ang kanyang kondisyon o itsura.

Base lamang po sa aking sariling pananaw, kung ito po ay aking ibebenta, ang halaga nito ay nasa mga 10 hanggang 20 pesos na lamang po.

Pagdating po sa mga community groups, ang presyohan po sa mga one piso coin na may taong 1990 ay ang sumusunod:

UNC = ? 

XF = 21.81 pesos

VF = 17.09 pesos

At ayan po ang aking mga nakalap na presyo sa bentahan ng mga 1 Piso 1990 Philippine old coin sa mga community groups.

Ang presyo po ng mga lumang barya ay hindi po ito stable. Ito po ay pabago-bago kung saan ay pwedeng pong tumaas sa mga susunod na buwan at pwede na rin po itong bumagsak. Kung gusto po ninyong subaybayan kung ano ang naging pagbabago sa bentahan ng iyong hawak na lumang barya, maaari po ninyo itong mapanood sa aking YouTube Channel na Pinoy Coin Hunter.

Eto po ang bidyong aking ginawa ukol dito sa aking maitim na isang pisong lumang barya na may taong 1990.

Ang 1985 One Piso - Jose Rizal at Kalabaw Philipine Coin

Ang larawan dito sa ibaba ay isa pong halimbawa ng isang lumang baryang 1985 One Piso Philippine Old Coin. Mapapansin po natin dito sa kanyang gilid na bandang itaas ang mga nakaukit na letrang bumubuo sa mga salitang REPUBLIKA NG PILIPINAS. Sa pinaka dulo po nito ay nakasulat ang pangalan na JOSE RIZAL. Si Jose Rizal ang atin pong pambasang bayani at ang pinaka kilala sa lahat ng mga bayani sa ating kasaysayan.

Obverse o Harapang Bahagi ng 1985 One Piso Coin

Dito naman po sa saktong gitna ng naturang lumang barya na ito ay atin pong nakikita ang isang nakaukit na mukha na nakaharap sa bandang kanan. Eto po ay ang mukha ng ating bayaning si Doktor Jose Rizal. At dito po sa pinababa ibabang gilid na bahagi ng naturang lumang barya na ito ay nakaukit naman po ang taon na 1985.

Isang karagdagang kaalam lamang po na may kinalaman sa taong ito. Ang naging presidente po ng Pilipinas sa taong ito ay si Ferdinand Marcos.

Ulitin lamang po natin ang mga nakaukit na detalye dito sa harapan ng ating lumang isang pisong barya na ito:

• REPUBLIKA NG PILIPINAS
• 1985
• JOSE RIZAL
• Nakaukit na mukha ng ating bayaning si Jose Rizal

Reverse o Likurang Bahagi ng 1985 One Piso Coin

Dito naman po tayo sa dakong likuran ng naturang lumang barya na ito. Atin pong nakikita dito sa kanyang saktong gitna ang isang nakaka agaw pansing na isang nakaukit na kalabaw. Dahil dito sa nakaukit na hayop na ito, marami sa atin ang tinawag itong PISONG KALABAW.  

Pero kung atin pong sasaliksikin ang tungkol sa nakaukit na hayop sa lumang barya na ito, dito po natin matutuklasan na ito po ay hindi isang kalabaw kundi ito po ay isang TAMARAW. Meron pong pagkakaiba ang hayop na tamaraw sa kalabaw. At ito po ay ang kanilang sungay at sukat sa laki nito.

Ang tamaraw po ay meron po itong mas maliit na sungay kumpara sa sungay ng kalabaw. Maliban po dito, ang kanilang sungay ay humahaba po ito sa pataas ng direksyon kahawig ng letrang V.

Dito naman po sa itaas at gilid na bahagi ng naturang lumang barya na ito ay meron pong nakaukit na isang 1 PISO. Eto po ang siyang nagsasaad sa Face Value o halaga nito noong ito ay ginamit sa sirkulasyon.

At dito po sa ibabang gilid na kaliwang bahagi ay nakaukit naman po ang silitang ANOA MINDORENSIS. Maaaring ikaw po ay nagtataka kung ano ang ibig sabihin ng salitang ito at kung ito ay nakaukit sa ating lumang barya na ito.

Ayon po sa aking pagsasaliksik, akin pong napag-alaman na ang ibig pong sabihin ng Anoa Mindorensis ay isa po itong Scientific Name ng hayop ng tamaraw. Maliban po dito, ang naturang hayop na ito ay tinatawag din po itong Mindoro Dwarf Buffalo dahil ang uri nito ay matatagpuan lamang dito sa Pilipinas.

Ulitin lamang po natin ang mga nakaukit na detalye dito sa likurang bahagi ng ating lumang isang pisong barya na ito:

• 1 PISO
• ANOA MINDORENSIS
• Nakaukit na isang hayop o Mindoro dwarf buffalo

Mga Karagdagang Detalye ng 1985 One Piso Coin

Material Composition

Ang materyal pong ginamit sa pagbuo ng lumang baryang ito ay gawa sa “Copper” at “Nickel”. 

Nang akin pong suriin ito kung ito ba ay “magnetic” o hindi, aking napag alaman na hindi po sya magnetic.

Weight o Timbang 

Sa bigat o timbang naman po nito, ito ay nasa 9.5 grams.

Size o Sukat 

Pagdating naman sa mga sukat nito, meron itong diameter na “29 mm”.

Kapal o Thickness

At ang thickness naman po nito ay “1.9 mm”.

Price Value o Halaga

At ang pinakahuli at ang nais malaman ng karamihan ay ano nga ba ang value o halaga ng isang 1985 na 1 Piso Philippine old coin.

Ang akin nasa larawan po dito ay isa sa aking mga koleksyon ng 1985 na one peso coin. Eto po ay aking nabili sa isa rin pong kolektor at ito ay aking binayaran sa halagang 100 pesos. Ngunit base po sa aking pagsasaliksik, meron pong mga nagbebenta ng ganitong lumang barya sa mas mataas na halaga. At ang ganitong lumang barya na aking nakita na siyang may pinaka mataas na halaga ay nasa 500 pesos.

Nais ko pong sabihin sa lahat na ang halaga ng mga lumang barya ay meron po itong mga pamantayan bilang basehan. Kaya para masabi po natin ang nararapat na halaga ng isang lumang barya, ito po ay nangangailangan na dumaan sa isang masusing pagsusuri.

Pagdating po sa mga community groups, eto po ang aking mga nakalap ng presyohan sa one piso coin na may taong 1985:

UNC = 58.98 pesos

XF = 30.67 pesos

VF = 27.13 pesos

Ayan po ang value o halaga sa bentahan ng 1 Piso 1985 Philippine old coin sa mga community groups.

Nais ko lamang pong sabihin na ang presyo na ito ay maaaring magbago. Maaari po itong tumaas at maaari na rin po itong bumababa. Para kayo po ay magkaroon ng update sa kasalukuyang pagbabago sa halaga nito ay bisitahin lamang ang aking YouTube Channel na Pinoy Coin Hunter. Sapagkat dito po ay ako nagbibigay ng update sa pagbabago sa presyo o bentahan ng mga lumang barya.

Eto po ang isa sa mga bidyo na akin pong ginawa ukol sa isang pisong barya na may taong 1985.