Ang dalawang lumang piso po na ito ay isang uri ng “common coins”. Ibig pong sabihin ay karaniwang uri po ito ng lumang barya kung saan ay atin pong ginamit sa sirkulasyon. Dahil dito ay sadyang marami po ang may hawak ng ganitong lumang barya.
Kung naabutan mo po ang mas lumang bersyon ng ating dalawang pisong barya, ang bersyon po na ito ay hindi bilog kundi meron po itong “decagon” na hugis o meron po itong sampung mga sides. Ngunit pagdating po dito sa sumunod na bersyon, simpleng bilog lamang po ang hugis nito.
Obverse o Harapang Bahagi ng 1994 2 Piso Coin
Atin pong nakikita sa larawan na ito ang larawan ng aking 1994 2 piso coin. At sa gitna po nito ay ating nakikita ang nakaukit na mukha ng isang tanyag na bayani. Siya po ay nakaharap sa bandang kaliwa at ang kanyang pangalan ay nakaukit sa kaliwang ibabang bahagi ng lumang barya na ito. Nakaukit po ang kanyang pangalang ANDRES BONIFACIO.
Para lamang po sa hindi pa nakakaalam, ang bayaning si Andres Bonifacio ay tinaguriang “The Father of the Philippine Revolution” o ang “Ama ng Rebolusyon”. Sapagkat sya po ang namuno sa pakikipaglaban ng mga Pilipino laban sa mga mapang abuso na mga Kastila.
Sa gilid na bahagi po nito ay nakaukit ang mga detalye na REPUBLIKA NG PILIPINAS at ang taon na 1994.
Ulitin ko lamang po ang mga nakaukit na detalye sa harapan na bahagi ng ating lumang barya na ito:
- REPUBLIKA NG PILIPINAS
- ANDRES BONIFACIO
- 1994
- Nakaukit na mukha ng taong nakaharap sa bandang kaliwa
Reverse o Likurang Bahagi ng 1994 2 Piso Coin
Dito naman po tayo sa likurang bahagi ng 1994 2 Piso coin.
Sa gitna o sentrong bahagi po nito ay may nakaukit na isang pamilyar na uri ng puno. Eto po ay isang puno ng niyog kung saan ay karaniwan po nating makikita sa mga probinsya. Ang puno pong ito ay nagkakaroon ng bunga na punong-puno ng nutrisyon.
Maliban po sa nakaukit na puno ng niyog ay nakaukit din po sa kanyang kaliwang ibabang bahagi ang dalawang salitang COCOS NUCIFERA. Ang salitang ito ay ang scientific name o biological name ng punong niyog.
Sa kanang ibabang bahagi naman po nito ay nakaukit ang 2 PISO. Eto po ang face-value o halaga nito noong ginamit po ang lumang barya na ito sa sirkulasyon.
Ulitin ko lamang po ang mga nakaukit na detalye dito sa likurang bahagi ng lumang dalawang pisong barya na ito:
- 2 PISO
- COCOS NUCIFERA
- Nakaukit na puno ng niyog
Mga Karagdagang Detalye ng 1994 2 Piso Coin
Material Composition
Ang 1994 na dalawang pisong lumang barya ay gawa po ang mga ito sa materyales na kung tawagin ay “stainless steel”. Eto po ang siyang dahilan kung bakit ang lumang barya na ito ay makinang lalo na po kung ito ay na-itapat sa liwanag.
Weight o Timbang
Meron po itong bigat o timbang na nasa 5 grams.
Diameter
Ang sukat naman po ng diameter nito ay nasa 23.5 mm.
Meron po itong kapal o thickness na nasa 1.8 mm.
Price Value o Halaga ng 1994 2 Piso Coin
Dahil sa common coins po ang 1994 2 Piso Philippine old coins, marami po ang may hawak ng ganitong lumang barya. At dahil dito ay mas marami po ang nagbebenta nito kumpara sa mga gustong bumili. Kaya hindi po gaanong kamahalan ang presyo po nito ngayon.
Nais ko pong ipagbigay alam na meron po tayong mga batayan bilang basehan sa presyo ng isang lumang barya. Marami po ito at tanging mga eksperto ang siyang makakasuri at makakatukoy sa tamang presyo. Sa madaling salita ay hindi po pare-pareho ang value o halaga ng mga lumang barya.
Sa aking pagtatanong-tanong sa mga community groups kung magkano ang bentahan sa 1994 2 Piso coins, ito po ang aking mga nakalap na presyo:
UNC = 27.73 pesos
XF = 34.22 pesos
VF = 27.73 pesos
Yan po mga ka-barya ang presyuhan sa 1994 2 Piso coin sa mga community groups na akin pong nakalap. Ang mga presyo po na ito ay nakabase lamang po sa araw na ako ay nagsagawa ng pagtatanong. Kaya pwede po itong magbasa sa mga sumusunod na araw.
Kung gusto mo pong malaman ang latest update sa naging pagbabago sa presyuhan ng mga lumang barya, meron po akong ginawang isang YouTube Channel na akin pong pinamagatang Pinoy Coin Hunter. Dito po ako nagbibigay pahayag sa price update ng mga lumang barya.
Walang komento:
Mag-post ng isang Komento